मंडळी जर तुम्हाला क्रेडिट कार्डसाठी अर्ज करायचा विचार करत असाल, तर आज तुम्हाला सांगत आहोत की पहिल्यांदाच अर्ज करताना कोणत्या गोष्टी लक्षात ठेवल्या पाहिजेत.
क्रेडिट कार्ड हे एक आर्थिक साधन आहे जे तुम्हाला प्रथम खरेदी करण्याची आणि नंतर पैसे देण्याची परवानगी देते. पीडब्ल्यूसीच्या अहवालानुसार, भारतातील क्रेडिट कार्डची एकूण संख्या आर्थिक वर्ष 2028-29 पर्यंत 20 कोटींपर्यंत पोहोचण्याची अपेक्षा आहे, जी 15 टक्क्यांच्या सीएजीआरने वाढेल. गेल्या 5 ते 6 वर्षांत क्रेडिट कार्ड उद्योगाने जारी केलेल्या कार्डांची संख्या दुप्पट केली आहे हा ट्रेंड सुरूच राहण्याची अपेक्षा आहे.
जर तुम्ही अलीकडेच नवीन नोकरी सुरू केली असेल व पहिल्यांदाच क्रेडिट कार्ड घेण्याचा विचार करत असाल, तर त्यासाठी अर्ज करताना कोणत्या गोष्टी लक्षात ठेवल्या पाहिजेत ते तुम्हाला सांगतो
योग्य क्रेडिट कार्ड निवडा
क्रेडिट कार्ड घेण्यापूर्वी, वेगवेगळ्या बँका व कार्ड कंपन्यांद्वारे ऑफर केलेल्या कार्डचे प्रकार समजून घ्या. तुमच्या गरजा व उत्पन्नानुसार सर्वोत्तम कार्ड निवडा. क्रेडिट कार्डचे वेगवेगळे प्रकार आहेत, जसे की प्रवास, मनोरंजन व व्यवसायाशी संबंधित कार्ड.
तुमची पात्रता तपासा
योग्य कार्ड निवडल्यानंतर, तुमच्या कर्जदात्या किंवा बँकेच्या पात्रता निकष व अर्ज प्रक्रिया काळजीपूर्वक वाचा.
1) तुमचे वय किमान १८ वर्षे असले पाहिजे.
2) तुमच्याकडे नियमित उत्पन्नाचा स्रोत असावा आणि तुमचा क्रेडिट स्कोअर व क्रेडिट रेटिंग चांगले असावे.
3)नवीन क्रेडिट कार्ड ग्राहकांसाठी काही बँकांकडून मुदत ठेवींवर (एफडी) सुरक्षित क्रेडिट कार्ड देखील उपलब्ध आहेत.
4)तुमचे पॅन कार्ड, आधार कार्ड, पत्ता, उत्पन्नाचा दाखला यासारखी कागदपत्रे तयार ठेवा जी सादर करायची आहेत.
तसेच शुल्क लक्षात ठेवा,अनेक बँका किंवा क्रेडिट कार्ड कंपन्या जॉइनिंग फी सह वार्षिक शुल्क आकारतात. म्हणून, असे कार्ड निवडा ज्यामध्ये तुम्हाला कमी जॉइनिंग फी व कमी वार्षिक फी भरावी लागेल.
अनेक कंपन्या आजीवन मोफत कार्ड देखील देतात, ज्यामध्ये तुम्हाला कोणतेही जॉइनिंग किंवा वार्षिक शुल्क भरावे लागणार नाही.
