नमस्कार मित्रांनो घर खरेदी करण्यासाठी अनेकांना गृहकर्जाचा आधार घ्यावा लागतो. पण उच्च व्याजदरामुळे गृहकर्जाचा ईएमआय भरणे अनेकांसाठी कठीण ठरते. याच पार्श्वभूमीवर, केंद्र सरकारने गृहकर्जाविषयी एक महत्त्वपूर्ण निर्णय घेतला आहे, ज्याचा थेट लाभ ३० लाखांहून अधिक नागरिकांना मिळण्याची शक्यता आहे.
शहरांतील वाढती घरांच्या किमती आणि गृहकर्जाची गरज
सध्या शहरी भागांतील घरांच्या किंमती गगनाला भिडल्या आहेत. परिणामी, सामान्य नागरिकांसाठी शहरात घर घेणे अवघड झाले आहे. उच्च व्याजदरामुळे अनेकजण गृहकर्ज घेण्यास देखील धजावत नाहीत. सरकारने यावर उपाय म्हणून नवीन योजना आणली आहे, ज्यामुळे गृहकर्ज अधिक परवडणारे होईल.
नवीन योजना आणि तिचे उद्दिष्ट
ही योजना मुख्यता लहान शहरी गृहनिर्माण क्षेत्रासाठी लागू करण्यात येणार आहे. या अंतर्गत, सरकार परवडणाऱ्या व्याजदराने गृहकर्ज उपलब्ध करून देणार आहे. सुमारे ६०,००० कोटी रुपये या योजनेसाठी राखीव ठेवले गेले असून, या निधीचा उपयोग गृहकर्ज व्याज अनुदानासाठी केला जाणार आहे. विशेषता शहरी भागातील झोपडपट्ट्या आणि अनधिकृत वसाहतींमध्ये राहणाऱ्या लोकांना या योजनेचा मोठा फायदा होणार आहे.
कर्जावरील व्याजदर आणि इतर लाभ
या योजनेच्या अंतर्गत, ९ लाख रुपयांपर्यंतचे गृहकर्ज ३% ते ६.५% या सवलतीच्या व्याजदराने उपलब्ध होईल. तसेच, सरकार २० वर्षांच्या कालावधीसाठी ५० लाख रुपयांपर्यंत गृहकर्ज उपलब्ध करण्याची योजना आखत आहे. काही अहवालांनुसार, लवकरच शहरी भागांतील लोकांना या योजनेचा लाभ घेता येईल.
त्वरित व्याज सवलत मिळण्याची योजना
सूत्रांच्या माहितीनुसार, गृहकर्ज घेतल्यानंतर लाभार्थ्यांच्या बँक खात्यात थेट व्याज सवलतीची रक्कम जमा केली जाईल. ही योजना २०२८ पर्यंत प्रस्तावित असून, तिच्या अंमलबजावणीचे अंतिम टप्प्यात काम सुरू आहे. या योजनेमुळे शहरी भागातील कमी उत्पन्न गटातील लोकांना घर घेणे सोपे होईल.
कोणाला मिळणार लाभ?
पंतप्रधान नरेंद्र मोदींनी आपल्या भाषणात स्पष्ट केले आहे की, केंद्र सरकार शहरांमध्ये भाड्याने राहणाऱ्या, झोपडपट्ट्यांमध्ये किंवा अनधिकृत वसाहतींमध्ये वास्तव्य करणाऱ्या कुटुंबांसाठी घर उपलब्ध करून देण्याची योजना आखत आहे. अद्याप सरकारकडून या योजनेबाबत अधिकृत घोषणा झालेली नाही. संबंधित मंत्रालयाकडून अंतिम निर्णय घेतल्यानंतरच या योजनेच्या अंमलबजावणीसंदर्भात अधिक माहिती मिळू शकेल.
ही नवीन गृहकर्ज योजना अनेकांसाठी दिलासा ठरणार आहे. शहरी भागातील वाढत्या घरांच्या किंमती आणि उच्च व्याजदर यामुळे अडचणीत असलेल्या लोकांसाठी ही योजना लाभदायक ठरेल. लवकरच सरकारकडून यासंबंधी अधिकृत घोषणा अपेक्षित आहे, ज्यामुळे इच्छुक लाभार्थ्यांना अधिक माहिती मिळेल.
