मित्रांनो पर्सनल लोन हा शब्द आता आपल्या दैनंदिन व्यवहारात खूपच सामान्य झाला आहे. हे असे एक कर्ज आहे जे कमी कागदपत्रांमध्ये आणि अल्प कालावधीत मिळते. अलीकडच्या काळात वैयक्तिक कर्ज घेणाऱ्यांची संख्या झपाट्याने वाढली आहे. त्यामुळे केवळ बँका नव्हे तर अनेक वित्तीय संस्था देखील या सेवेमध्ये उतरल्या आहेत.
आता तर गुगल पे सारख्या डिजिटल पेमेंट प्लॅटफॉर्मनेही पर्सनल लोन देण्यास सुरुवात केली आहे. गुगल पे काही बँकांच्या भागीदारीतून ₹३०,००० पासून ₹१० लाख रुपयांपर्यंतचे त्वरित वैयक्तिक कर्ज देते. हे कर्ज सहा महिने ते पाच वर्षांपर्यंत परतफेडीच्या कालावधीत घेता येते.
गुगल पे वरून कर्ज घेतल्यास व्याजदर साधारणपणे १०.५० टक्के ते १५ टक्के दरम्यान असतो. हा व्याजदर प्रत्येक व्यक्तीच्या क्रेडिट स्कोअरनुसार ठरतो. संपूर्ण प्रक्रिया डिजिटल स्वरूपात पूर्ण होते आणि यासाठी कोणतेही प्रत्यक्ष कागदपत्र सादर करणे आवश्यक नाही. मात्र कर्ज घेणाऱ्या व्यक्तीचे वय किमान २१ वर्षे असावे, तसेच त्याच्याकडे नियमित उत्पन्नाचा स्रोत असणे गरजेचे आहे. एकदा कर्ज मंजूर झाल्यानंतर, संबंधित रक्कम थेट बँक खात्यात जमा केली जाते.
गुगल पे अ‍ॅप उघडल्यानंतर मनी या टॅबमध्ये जाऊन कर्ज विभाग पाहावा लागतो. तिथे तुम्हाला उपलब्ध ऑफर्स दाखवल्या जातात. त्या ऑफरवर टॅप करून सूचनांचे पालन करावे लागते. यानंतर केवायसी कागदपत्रे अपलोड करून कर्ज करारांवर ई-स्वाक्षरी करावी लागते.
कर्ज मंजूर झाल्यानंतर त्याची परतफेड दरमहा ईएमआयद्वारे केली जाते. हा ईएमआय थेट तुमच्या लिंक केलेल्या बँक खात्यातून आपोआप वसूल केला जातो. त्यामुळे खात्यात पुरेसा शिल्लक असणे महत्त्वाचे ठरते. कर्ज घेताना संपूर्ण परतफेडीचे वेळापत्रक, देय तारखा आणि रक्कम स्पष्टपणे दिली जाते.
