मंडळी कर्मचारी भविष्य निर्वाह निधी संघटने (EPFO) ने खाजगी क्षेत्रातील कर्मचार्‍यांसाठी एक मोठा निर्णय घेतला आहे, ज्यामुळे त्यांना आर्थिक दृष्टीने मोठा दिलासा मिळणार आहे. आता EPFO सदस्यांना कागदपत्रांशिवाय केवळ तीन दिवसांत पाच लाख रुपये मिळवता येणार आहेत. याबरोबरच, आगाऊ दाव्यांसाठी असलेली ऑटो सेटलमेंटची मर्यादा एक लाख रुपयांवरून पाच लाख रुपयांवर वाढवली गेली आहे. यामुळे EPFO चे साडेसात कोटी सदस्य यापुढे जलद आणि सोप्या पद्धतीने त्यांच्या दाव्यांचे निवारण करू शकतील.
ऑटो क्लेम सेटलमेंटची वाढलेली मर्यादा
EPFO ने आपल्या कोट्यवधी सदस्यांसाठी एक महत्त्वपूर्ण पाऊल उचलत, ऑटो क्लेम सेटलमेंट लिमिट पाच लाख रुपये केली आहे. मागील काही महिन्यांत ही मर्यादा ५०,००० रुपयांवरून एक लाख रुपयांपर्यंत वाढवली होती. आता २०२४ मध्ये, हा निर्णय पाच लाख रुपयांपर्यंत विस्तारला आहे. या निर्णयामुळे, विशेषता मेडिकल इमर्जन्सी, घराच्या दुरुस्ती, लग्न किंवा उच्च शिक्षण यासाठी निधीची आवश्यकता असलेल्या कर्मचार्‍यांना मोठा फायदा होणार आहे.
तांत्रिक पायाभूत सुविधा आणि भविष्यातील योजना
EPFO आणि राष्ट्रीय पेमेंट्स कॉर्पोरेशन ऑफ इंडिया (NPCI) एकत्र काम करत असून, जून २०२५ पासून EPF काढण्यासाठी एटीएम आणि यूपीआयचा वापर करण्याची सुविधा उपलब्ध होईल. हे सध्या बँक खात्यांद्वारे पैसे काढण्यासारखेच असणार आहे. यामुळे कर्मचारी त्यांचा PF सहजतेने आणि जलद काढू शकतील. हा प्रस्ताव केंद्रीय विश्वस्त मंडळाच्या (CBT) पुढील बैठकीत अंतिम होण्याची शक्यता आहे.
या नवीन निर्णयामुळे, EPFO चे सदस्य त्यांचा पीएफ केवळ तीन दिवसांत, कागदपत्रांशिवाय, सहजतेने काढू शकतील. यामुळे मोठ्या आर्थिक गरजा असलेल्या कर्मचार्‍यांना अधिक सोयीस्कर सेवा मिळणार आहेत, तसेच डिजिटल प्रक्रियेचा वापर वाढवण्यास मदत होईल.
