मंडळी कर्मचारी भविष्य निर्वाह निधी संघटना (EPFO) ने खाते हस्तांतरणाच्या नियमांमध्ये मोठे बदल केले आहेत. या सुधारित नियमांमुळे आता कर्मचार्‍यांना पैसे काढताना किंवा पीएफ खाते हस्तांतरित करताना कोणतीही अडचण येणार नाही. अंदाजे 1.25 कोटींहून अधिक सदस्यांना या निर्णयाचा थेट फायदा होण्याची अपेक्षा आहे.
आतापर्यंत नोकरी बदलल्यावर कर्मचाऱ्यांना खाते हस्तांतरणासाठी कंपन्याची मंजुरी घ्यावी लागत असे, ज्यामुळे अनेक अडचणी येत असत. मात्र, जानेवारी 2025 पासून लागू होणाऱ्या नव्या नियमांनुसार, बहुतेक हस्तांतरण प्रकरणांमध्ये कंपनीच्या मंजुरीची आवश्यकता राहणार नाही.
नवीन प्रक्रियेअंतर्गत, एकदा हस्तांतरणाचा दावा सोर्स ऑफिस कडून मंजूर झाला की, संबंधित रक्कम थेट डेस्टिनेशन ऑफिस मधील कर्मचाऱ्याच्या नव्या खात्यात आपोआप जमा केली जाईल. यामुळे पीएफ ट्रान्सफरची प्रक्रिया अधिक वेगवान आणि सोपी होणार आहे.
तसेच नवीन प्रणालीद्वारे पीएफ बचतीतील करपात्र (Taxable) आणि करमुक्त (Non-Taxable) रकमेचीही स्पष्ट माहिती दिली जाईल, ज्यामुळे टीडीएस (TDS) अचूकपणे वसूल केला जाऊ शकेल.
याशिवाय EPFO ने आणखी एक महत्त्वाचा निर्णय घेतला आहे — आता युएएन (Universal Account Number) तयार करताना आधार कार्ड तत्काळ लिंक करणे बंधनकारक नसेल. या सुधारणा लागू झाल्याने दरवर्षी सुमारे 90 हजार कोटी रुपयांचा पीएफ निधी लवकर आणि अचूकपणे हस्तांतरित होण्याची शक्यता आहे.
