मंडळी क्रेडिट कार्ड आणि पर्सनल लोन (वैयक्तिक कर्ज) – या दोन्ही आर्थिक साधनांचे आपापले फायदे आणि मर्यादा आहेत. योग्य पर्याय कोणता, हे तुमच्या गरजा, परिस्थिती आणि परतफेडीच्या क्षमतेवर अवलंबून असते.
क्रेडिट कार्ड — त्वरित निधीसाठी उत्तम
आर्थिक गरज अचानक ओढावली, तर क्रेडिट कार्ड देवदूतासारखे उपयोगी ठरते. तुम्ही कोणतीही मोठी रक्कम त्वरित वापरू शकता आणि जर दिलेल्या मुदतीत (ग्रेस पिरियडमध्ये) परतफेड केली, तर व्याजही लागणार नाही. शिवाय, खर्चावर कॅशबॅक, रिवॉर्ड पॉइंट्स, विविध सूट अशा अनेक सवलती मिळतात. मात्र वेळेवर बिल भरले नाही तर उच्च दराने व्याज लागतो आणि क्रेडिट स्कोअरवर परिणाम होतो.
पर्सनल लोन — मोठ्या खर्चासाठी योग्य
मोठ्या खर्चासाठी, जसं की वैद्यकीय खर्च, गृहसजावट, लग्न, अशा प्रसंगी वैयक्तिक कर्ज हा अधिक स्थिर आणि नियोजित पर्याय असतो. बँक किंवा वित्तसंस्थेकडून कर्ज मिळवण्यासाठी थोडी प्रक्रिया लागते, पण एकदा मंजूर झाल्यावर तुम्हाला ठराविक व्याजदराने ईएमआयद्वारे परतफेड करता येते. ही नियमित परतफेड तुमचा क्रेडिट स्कोअरही सुधारते.
कर्जाची निवड करताना काय लक्षात घ्याल?
- दोन्ही प्रकार असुरक्षित कर्ज आहेत, म्हणजेच गहाण ठेवावी लागत नाही.
- छोट्या व तातडीच्या खर्चासाठी क्रेडिट कार्ड फायदेशीर, तर दीर्घकालीन आणि मोठ्या खर्चासाठी वैयक्तिक कर्ज योग्य.
- क्रेडिट कार्डवर बँकांनुसार शुल्क आणि फायदे वेगळे असतात. ते नीट समजून घ्या.
- परतफेड करण्याची सवय आणि क्षमतेचा विचार करा.
तुमच्यासाठी योग्य पर्याय कोणता हे ठरवताना, तुमच्या आर्थिक गरजा, मासिक उत्पन्न, परतफेडीची क्षमता आणि खर्चाचा स्वरूप याचा विचार करणे आवश्यक आहे. शक्य असल्यास, अनुभवी आर्थिक सल्लागाराची मदतही घ्या.