मंडळी आजची बातमी देशातील बँक खातेधारकांसाठी विशेष महत्त्वाची आहे. भारतातील विविध बँका आपल्या ग्राहकांना अनेक सुविधा देतात आणि त्यात एक महत्त्वाची सेवा म्हणजे बँक लॉकर. जर तुम्ही सध्या लॉकर घेण्याचा विचार करत असाल, तर ही माहिती तुमच्यासाठी उपयुक्त ठरेल.
रिझर्व बँक ऑफ इंडियाने नुकतेच लॉकरविषयक नियमांमध्ये बदल केले आहेत. या नव्या नियमांनुसार, ज्या ग्राहकांनी ३१ डिसेंबर किंवा त्याआधी बँकेसोबत लॉकर करार केला आहे, त्यांना आता सुधारित करारावर स्वाक्षरी करावी लागेल. हा सुधारित करार पूर्ण करून संबंधित बँकेत जमा करणे आवश्यक आहे. त्यामुळे लॉकर सेवा घेण्याआधी नवीन नियम काय आहेत हे समजून घेणे गरजेचे आहे.
लॉकर घेण्यापूर्वी काही बाबी लक्षात घेणे आवश्यक आहे. सर्वप्रथम, लॉकर मिळवण्यासाठी काही कागदपत्रांची आवश्यकता असते. जर तुमचं त्या बँकेत आधीपासून खाते नसेल, तर लॉकरसाठी अर्ज करण्यापूर्वी खाते उघडावं लागतं. त्यासाठी पासपोर्ट साईज फोटो, ओळख पटवणारा पुरावा, पत्ता पुरावा आणि पॅन कार्ड लागते. ओळख व पत्त्याचा पुरावा म्हणून आधार कार्ड वापरता येतो.
लॉकर सुविधा घेणाऱ्या बँकेची निवड हीही विचारपूर्वक करणे गरजेचे आहे. देशातील बहुतेक बँका लॉकर सुविधा देतात, पण निवड करताना बँकेची सेवा, स्थानिक उपलब्धता आणि विश्वासार्हता पाहणे महत्त्वाचे आहे. ज्या बँकेत तुमचे आधीपासून खाते आहे, त्या बँकेत लॉकर घेतल्यास प्रक्रिया अधिक सोपी होते.
अनेकांना हा प्रश्न पडतो की बँक लॉकरमध्ये नेमके काय ठेवता येते. लॉकरमध्ये दागदागिने, जमिनीची कागदपत्रे, कर्जाच्या फाईली, विमा पॉलिसी, सेव्हिंग बॉण्ड्स, जन्म आणि विवाह प्रमाणपत्रे यासारखी महत्त्वाची कागदपत्रे आणि वस्तू सुरक्षित ठेवता येतात. बँकेसोबत लॉकरसंदर्भात करार करताना त्या करारातील अटी आणि शर्ती काळजीपूर्वक वाचाव्यात आणि समजून घ्याव्यात.
