मंडळी बँकांच्या एफडी योजनांमध्ये गुंतवणूक करणाऱ्यांची संख्या दिवसेंदिवस वाढत आहे. शेअर बाजारातील चढ-उतारांमुळे अनेक गुंतवणूकदार सुरक्षित गुंतवणुकीच्या शोधात आहेत आणि त्यामुळे एफडी हा एक महत्त्वाचा पर्याय ठरत आहे. बँका देखील एफडी गुंतवणुकीसाठी आकर्षक व्याजदर देत आहेत. जर तुम्हीही एफडी करण्याचा विचार करत असाल, तर हा लेख तुमच्यासाठी उपयुक्त ठरेल. आज आपण एका सरकारी बँकेच्या विशेष एफडी योजनेची माहिती जाणून घेणार आहोत.
एसबीआयची विशेष एफडी योजना देशातील विविध बँका आणि एनबीएफसी ग्राहकांना आकर्षित करण्यासाठी विशेष एफडी योजना आणत आहेत. स्टेट बँक ऑफ इंडिया (एसबीआय) देखील आपल्या ग्राहकांसाठी 400 दिवस आणि 444 दिवसांच्या विशेष एफडी योजना देत आहे. या योजनांमध्ये नियमित एफडीच्या तुलनेत कमी कालावधीत अधिक परतावा मिळतो. अनेक सरकारी आणि खाजगी बँका अशाच प्रकारच्या एफडी योजना सध्या उपलब्ध करून देत आहेत.
बँक ऑफ बडोदाची उत्सव डिपॉझिट स्कीम बँक ऑफ बडोदानेही आपल्या ग्राहकांसाठी एक विशेष एफडी योजना सुरू केली आहे. बीओबी उत्सव डिपॉझिट स्कीम ही योजना 400 दिवसांसाठी आहे आणि यात सामान्य ग्राहक तसेच ज्येष्ठ नागरिकांसाठी वेगवेगळे व्याजदर लागू आहेत. विशेष म्हणजे, ज्येष्ठ नागरिकांना अधिक परतावा दिला जातो.
योजनेंतर्गत व्याजदर
- सामान्य ग्राहक — 7.30%
- ज्येष्ठ नागरिक (60 वर्षांवरील) —7.80%
- सुपर सीनियर सिटीजन — 7.90%
- नॉन-कॉलेबल एफडीसाठी —
- सामान्य ग्राहक — 7.35%
- ज्येष्ठ नागरिक — 7.85%
- सुपर सीनियर सिटीजन —7.95%
ही योजना ऑक्टोबर 2024 मध्ये सुरू करण्यात आली होती आणि आतापर्यंत अनेक गुंतवणूकदारांनी यामध्ये सहभाग घेतला आहे. यामध्ये कॉलेबल आणि नॉन-कॉलेबल एफडीचे पर्याय उपलब्ध आहेत. या योजनेत जास्तीत जास्त 3 कोटी रुपयांपर्यंत गुंतवणूक करता येते. वैयक्तिक आणि संयुक्त खातेदार या योजनेचा लाभ घेऊ शकतात. ऑनलाईन तसेच शाखेमधून या एफडीमध्ये गुंतवणूक करणे शक्य आहे.
ही विशेष एफडी योजना गुंतवणुकीसाठी एक चांगला पर्याय ठरू शकते. तुम्ही गुंतवणुकीचा विचार करत असाल, तर ही योजना तुमच्यासाठी फायदेशीर ठरू शकते.
